Чăваш чĕлхи эрнелĕхне халалласа шкулта тĕрлĕ мероприяти иртрĕ. Кĕçнерни  кун 1-4 классенче „Ман тăван чĕлхе-чăваш чĕлхи” класс сехечĕ иртрĕ. Эрнекун  диктант çырса „Чи тирпейлĕ тата тĕрĕс çыракан” ята 1-мĕш вырăна 8-мĕш класра вĕренекен Иванова Валерия, 2-мĕш вырăна 7-мĕш класра вĕренекен Зайцева Ксения тата Комиссаров Станислав, 3-мĕш вырăна 9-мĕшсем Долгова Виолеттăпа Никифоров Максим тивĕçрĕç. Шăмат кун ачасем хăйсем çырнă сăвăсене шăрантарчĕç.Тунти кун  «Савар , мухтар чĕлхемĕре!» ятпа литература каçĕ хăй тавра 1-9-мĕш классене пуçтарчĕ.Ачасем тĕрлĕ сăвăçсен произведенийĕсене илемлĕ те, пăхмасăр та вуларĕç, 2-4 класс ачисем „Чăвашла маннă’шÿтлĕ сценкăна лартса пачĕç. Ку тупăшура    Ачасем маттур та пултаруллă пулни палăрчĕ.Ытлари кун 5-9 классен хушшинче „Эпир маттур ачасем” викторина иртрĕ. Çĕнтерÿçĕсем ята В.Иванов (1 вырăн), Р. Садртдинова (2 вырăн), М.Никифоров (3 вырăн) тивĕçрĕç. Юн кун СССР халăх артистки Вера Кузьминана халалланă „Чĕрĕ сăмах” конкурсра пирĕн шкултан 4-мĕш класс вĕренекенĕ Филимонов Данил тата 6-мĕш класс вĕренекенĕ Карпов Антон хутшăнчĕç.Хĕрÿ тупăшура Карпов Антон  2-мĕш вырăна çĕнсе илме пултарчĕ. Эрнелĕхре пуçарулăх кăтартна ачасене Хисеп хучĕсемпе чысларĕç.