Каçал ен 80 çул тултарнине халалласа ака уйăхĕн 13-мĕшĕнче Комсомольски район администрацийĕн вĕренÿ пайĕн хушăвĕпе килĕшÿллĕн Хырай Ĕнелĕнчи вăтам шкулта 5-11 классем хушшинче „Туркай вулавĕсем” 2-мĕш поэзи фестивалĕ иртрĕ.

   Шăнкăр-шăнкăр çăл куç шывĕ пек янăратрĕç ачасемпе вĕрентекенсем Валери Туркай сăввисене.Хирти Явăшри тĕп шкулта 6-мĕш класра  вĕренекен Антон К. çак фестивальте поэтăмăрăн „Туслăхран хакли мĕн пултăр?” сăввине каласа 3-мĕш вырăна çĕнсе илме пултарчĕ. Чăваш чĕлхипе литература вĕрентекенĕ Лариса Никифорова вĕрентекенсен хушшинче „Айван та пулнă, пулнă çăмăлттай та” сăвва каласа çĕнтерÿçĕ ята тивĕçрĕ.