Пĕтĕмĕшле пĕлÿ паракан организацисенче вĕренекен ачасене хăйсем чăваш пулнине кăтартма, чăваш чĕлхине тата лайăхрах пĕлме пулăшас, яш ачасен хăйсем мĕнле çĕр-шыв гражданинĕ пулнине ăнланса илме май паракан тĕп компетенцисене аталантарас тĕллевпе Чăваш Республикин вĕренÿ тата çамрăксен политикин министерстви «Упрар тăван чĕлхемĕре» оратор ăсталăхĕн конкурсне ирттерет.

Конкурса йĕркелекенĕ – Чăваш Республикин вĕренÿ институчĕ.

Конкурса Чăваш Республикинчи тата ун тулашĕнчи вĕренÿ организацийĕсен 7–8-мĕш класĕсенче чăваш чĕлхи вĕренекен ачасем хутшăнаççĕ.

Конкурса хутшăнмалли темăсем:

1)   Камсем эпир, мĕнле йăхран эпир?

2)   Илемлен, Чăваш çĕр-шывĕ!

3)   Республикăшăн усă ĕç тăвасчĕ.

4)   Чăвашсем, чăмăртанар!

5)   Чăваш çĕрĕ, пурăн ĕмĕр.

Конкурс чăвашла иртет. Конкурса хутшăнакансен чăвашла анчах калаçмалла.

Конкурс икĕ тапхăрпа иртет:

1-МĔШ ТАПХĂР – муниципалитет тапхăрĕ – районта е хулара 2020 çулхи авăн уйăхĕн 30-мĕшĕччен иртет. Конкурсăн пĕрремĕш тапхăрне район е хула администрацийĕн вĕренÿ управленийĕсем ирттереççĕ.

2-МĔШ ТАПХĂР – республика тапхăрĕ 2020 çулхи юпа уйăхĕн 21-мĕшĕччен кĕретсĕр (заочно) иртет.

Конкурсăн 2-мĕш тапхăрне хутшăнма районта е хулара малти вырăна тухнă 2 ачана ирĕк параççĕ: 7-мĕш класра вĕренекен 1 ача, 8-мĕш класра вĕренекен 1 ача.

Шупашкар тата Çĕнĕ Шупашка рхулисенчен:

7-мĕш класра вĕренекен 3ача, 8-мĕш класра вĕренекен 3ача.

Конкурса йĕркелекенсен адресĕ:

428001 Шупашкар хули, М. Горький проспекчĕ, 5-мĕш çурт, Чăваш Республикин вĕренÿ институчĕ, 217-мĕш пÿлĕм (регион аталанăвĕн центрĕ).

Телефон 88352 459996

E-mail: chrio6@cap.ru